Close
Enter your
text here

kveikja

Þrenna vikunnar: Um óþarfar efasemdir, verkefni númer eitt og eina gagnlega kveikju
 Þrenna vikunnar: Um óþarfar efasemdir, verkefni númer eitt og eina gagnlega kveikju 150 150 Freyr
By:

Óþarfar efasemdir

Getur verið að þínar eigin áhyggjur af því hvað öðrum finnst séu bara það, eigin áhyggjur í þínum eigin kolli? Hinir mögulega í nákvæmlega sömu stöðu? Með fullan koll af pælingum um efasemdir annarra?

Ef það er eitthvað sem þú mátt efast meira um, þá er það líklega efasemdir allra hinna!

Númer eitt

Það er mikill munur á sigri eða tapi, stundum allt eða ekkert, „The winner takes it all“, söng ABBA. Fyrsta sætið er allt, annað er aumt og kalt.

Hvort þú endar á toppnum eða ekki getur síðan ráðist af því hvernig þér gengur að finna út hvern dag, hvaða verkefni ætti að vera í fyrsta sæti hjá þér og hvað ekki! …og hér tölum við ekki í fleirtölu!

Ertu með á hreinu hvað ætti að vera þitt topp verkefni í dag? Ætlarðu að sinna því fyrst? Mest og best? Klára áður en þú æðir inn í áreitisstorminn? Leyfðu minna mikilvægum málum að húka úti: „The loser’s standing small“!

Ein kveikja

Ósjálfráða kerfið í kollinum okkar á það til að leika okkur grátt. Stundum lætur það einn lítinn hlut í umhverfi okkar verða kveikju að vondri venju. Þá er að finna krók á móti bragði!

Geturðu fjarlægt eina neikvæða kveikju úr þínu umhverfi fyrir aðra sem gagnast þér betur?

Endurtakist að vild.

Þrenna vikunnar: Gaman saman, breytt hegðun og póst pot
 Þrenna vikunnar: Gaman saman, breytt hegðun og póst pot 150 150 Freyr
By:

1 – Hugmyndir þroskast best með öðrum

Ertu með hugmynd sem gæti orðið að vöru, bók, fyrirlestri, fyrirtæki? Frábært! Ekki þegja um hana, segðu frá, ræddu við aðra. Líkurnar á að einhver steli hugmyndinni eru hverfandi. En að fá viðbrögð og rýni eykur til muna líkurnar á að hugmyndin verði að einhverju! Gleymum ekki að nýsköpun byggir meira á úthaldi og endalausum betrumbótum, samtali, heldur en stakri hugdettu sem færir okkur Nóbelinn á núll einni.

2 – Breytt hegðun með því að tengja við „trigger“

Kófið hefur kennt okkur margt. T.d. að við getum breytt hvernig við bregðumst við ýmsum hlutum. Hvernig við t.d. opnum hurðir, þvoum hendur eða heilsum fólki. Á þessu má byggja. Við getum tengt kveikju (e. trigger) sem við rekumst á við okkar eigin hegðun. Þrjú uppáhalds dæmi, gömul og ný:

  • Þú lendir á rauðu ljósi og tengir það við nýja hegðun: Andar djúpt, brosir breitt og ferð með einhvern peppandi frasa í hvert sinn.
  • Lok (vinnu)dags: Haft miða tilbúinn og fyllt út áður en þú lýkur deginum með því mikilvægasta sem þú ættir að gera næsta dag. Max þrír punktar!
  • Ertu með morgun rútínu sem er alltaf eins? Prófaðu að bæta einu nýju sem þig hefur lengi langað að byrja að gera aftanvið í eina viku eða tvær. Mátt síðan endilega segja mér hvernig gekk ef þú prófar? (ps. Þessi póstur minn, þ.e. að skrifa, er mitt talandi dæmi um nýja hegðun í enda morgunrútínu 😉 )

3 – Örráð vikunnar: Póst-pot virkar

Oft á vel við hið fornkveðna: „Less is more“. Fékkstu ekki svar við langa flotta út pælda póstinum þínum? Hættu að ímynda þér allskonar ástæður fyrir „þrúgandi þögninni“, prófaðu frekar örstutt póst-pot sem býður upp á snar-svar: „Daginn! Sástu þetta að neðan? Ertu til?“